Şahmatçımız Vüqar Əsədli Daşkənddə Aqzamov memorialı yarışında 3-8-ci yerləri bölüşüb
Bakı, 12 may, AZƏRTAC
Daşkənddə 15-ci dəfə keçirilən Aqzamov memorialı yarışı başa çatıb.
AZƏRTAC xəbər verir ki, yarışın güclü A turnirində mübarizə aparan təmsilçimiz Vüqar Əsədli 10 turda yeddi xal toplayaraq 3-8-ci yerləri bölüşüb. O, bu nəticə ilə liderdən cəmi 0,5 xal geri qalıb. Digər şahmatçılarımız Misrətdin İsgəndərov, Vüqar Manafov 6, Məhəmməd Muradlı, Şahin Vəliyev 5 xal toplayıblar.
On turdan ibarət olan yarış İsveçrə sistemi üzrə keçirilib.
Turnirdə 66 şahmatçı iştirak edib ki, onlardan da 16-sı qrosmeysterlər olub.
Bölmənin digər xəbərləri
