Salyanda “Eşit harayımı, dünya!“ adlı ədəbi-bədii kompozisiya nümayiş etdirilib
Salyan, 26 fevral, AZƏRTAC
Xocalı soyqırımı qurbanlarının xatirəsi Salyan rayonunda da anılıb.
AZƏRTAC xəbər verir ki, əvvəlcə rayonun rəhbərliyi, ictimaiyyətin nümayəndələri respublikamızın ərazi bütövlüyü uğrunda şəhid olan Vətən oğullarının abidə kompleksi önünə gül dəstələri düzüblər.
Daha sonra Milli Qəhrəman Nazim Babayevin büstü ziyarət edilib.
Soyqırımının 23-cü ildönümünə həsr edilən anma mərasimində uşaqların Xocalı faciəsinə həsr etdikləri rəsm və digər əl işlərindən ibarət sərgi ilə tanışlıq olub.
Sonda rayonun özfəaliyyət kollektivlərinin hazırladıqları “Eşit harayımı, dünya!“ adlı ədəbi-bədii kompozisiya nümayiş etdirilib.
Bölmənin digər xəbərləri
