ŞAMAXI ENERGETİKLƏRİ DİQQƏTİ ENERJİ HAQLARININYIĞILMASINA VƏ QIŞA HAZIRLIQ İŞLƏRİNƏYÖNƏLTMİŞLƏR

17.10.2006 [11:13]
Çap et
A⁺ A^-

AZƏRTAC xəbər verir ki, Şamaxı Paylayıcı Elektrik Şəbəkəsinin (PEŞ) kollektivi bütün qüvvəsini istehlak olunan elektrik enerjisi haqlarının tam miqdarda yığılmasına və qışa hazırlıq işlərinin aparılmasına yönəltmişdir.

Hazırda rayonda sutkada 270 min kilovat-saatdan çox elektrik enerjisi işlədilir. Qarşıdan gələn qış mövsümündə isə bu göstərici 350 min kilovat-saata çatacaqdır.

Son illər rayonun hərtərəfli inkişafı ilə əlaqədar elektrik enerjisinin istehlakına olan tələbat da artmışdır. Bu tələbatın nə dərəcədə ödənilməsi 110/35/10 kilovoltluq “Şamaxı” yardımçı stansiyasının yararlılığından çox asılıdır. Ona görə də enerji obyektinə texniki xidmət günün tələbləri səviyyəsində göstərilir.

Yardımçı stansiyadakı 10 və 16 meqavatlıq transformatorlara 2500 kiloqram texniki yağ əlavə edilmiş, 62 yağ açarı dəyişdirilmişdir. Burada digər yenidənqurma işləri də görülmüşdür.

Şəbəkədə qışa hazırlıq işləri davam etdirilir.