ŞAMAXIDA ÜZÜM ƏKİNİ SAHƏLƏRİ GENİŞLƏNİR
Rayon icra hakimiyyətindən AZƏRTAC-ın müxbirinə bildirmişlər ki, bölgədə son vaxtlar üzümçülüyə xüsusi diqqət yetirilir. Təkcə ötən il 30 hektar əvəzinə 50 hektar sahədə yeni plantasiyalar salınmış, 105 hektarda köhnə bağlar bərpa edilmişdir. Dövlət Proqramına əsasən gələn ilin martında daha 47 hektarda yeni üzümlüklər salınacaqdır. Bu məqsədlə indidən ciddi hazırlıq işləri aparılır. Təzə bağlarda fillekseriya xəstəliyinə davamlı, yerli şərait üçün daha əlverişli olan sortlar əkiləcəkdir.
Bölmənin digər xəbərləri
