Samux dövlət ovçuluq təsərrüfatı gücləndirilmiş iş rejiminə keçmişdir
Samux, 15 dekabr (AZƏRTAC). Samux Dövlət Ovçuluq Təsərrüfatının əməkdaşları ov mövsümünün başlanması ilə əlaqədar gücləndirilmiş iş rejiminə keçmişlər.
Təsərrüfatın direktoru Yusif Kazımov AZƏRTAC-a bildirmişdir ki, dəniz səviyyəsindən asağıda yerləşən Kür ovalığı vəhşi heyvan və quşların qışlaması üçün ən əlverişli yerdir. Bu ərazidə 15 növdən artıq vəhşi məməli, 30 növə yaxın su-bataqlıq quşu, eləcə də nəsli kəsilməkdə olan heyvanlar və quşlar vardır. Samux Dövlət Ovçuluq Təsərrüfatının kollektivi onları ciddi şəkildə mühafizəsi edirlər.
Hazırda qoruq ərazisində 500 başadək ceyran vardır. Onların qorunması və artırılması istiqamətində də müvafiq tədbirlər görülür.
Bölmənin digər xəbərləri
