SƏBAİL RAYON QADINLAR CƏMİYYƏTİ “XOCALIYA ƏDALƏT” KAMPANİYASI ÇƏRÇİVƏSİNDƏ İMZATOPLAMA AKSİYASI KEÇİRMİŞDİR
Bakı, 22 fevral (AZƏRTAC). Səbail Rayon Qadınlar Cəmiyyəti (SRQC) Xocalı faciəsinə soyqırımı statusunun və beynəlxalq səviyyədə hüquqi qiymətin verilməsi ilə bağlı imzatoplama aksiyası keçirmişdir.
Bu barədə məlumat verən SRQC-nin sədri Almara Hümbətova bildirmişdir ki, aksiya Heydər Əliyev Fondunun Rusiya Federasiyasındakı nümayəndəliyinin rəhbəri, İslam Konfransı Gənclər Forumunun (İKGF) mədəniyyətlərarası dialoq üzrə baş əlaqələndiricisi Leyla Əliyevanın irəli sürdüyü “Xocalıya ədalət” beynəlxalq kampaniyası çərçivəsində təşkil olunmuşdur.
Aksiyada Səbail rayonu ərazisində yerləşən təhsil, səhiyyə və mədəniyyət müəssisələrinin kollektivləri iştirak etmişlər. İmzatoplama aksiyası zamanı 10 mindən çox insan kampaniyaya qoşulmuşdur.
Bölmənin digər xəbərləri
