“Səbail” təlim-məşq toplanışı üçün Türkiyəyə yollanacaq
Bakı, 24 iyun, AZƏRTAC
“Səbail”in 2024/2025-ci illər mövsümü üçün yay hazırlıq planı bəlli olub.
Klubdan AZƏRTAC-a verilən məlumata görə, Şahin Diniyevin rəhbərliyi altında iyunun 27-də bir araya gələcək komanda iyulun 3-nə qədər məşqlərini Bakıda keçirəcək. “Dənizçilər” iyulun 5-də toplanışın ikinci mərhələsi üçün Türkiyəyə yola düşəcək.
Ərzurumda baş tutacaq təlim-məşq toplanışında komanda 3 yoxlama oyununa çıxacaq. “Səbail” iyulun 11-də I Liqa təmsilçisi “Ərzurumspor”la, 13-də isə Türkiyə Superliqasında çıxış edən “Hatayspor”la qarşılaşacaq. Sonuncu rəqib və oyunların başlama vaxtı bəlli deyil.
Komandanın Ərzurum toplanışı iyulun 18-dək davam edəcək.
Bölmənin digər xəbərləri
