Səhiyyənin illik büdcəsi 3 milyard manata yaxındır
Bakı, 20 dekabr, AZƏRTAC
Üç-dörd il əvvəl səhiyyənin illik büdcəsi 800 milyon manata da çatmırdı, təxminən 780 milyon manat idi. Bu il bütövlükdə icbari tibbi sığorta da daxil olmaqla bu rəqəm təxminən 3 milyard manata yaxındır.
AZƏRTAC xəbər verir ki, bunu Milli Məclisin Səhiyyə komitəsinin sədri, akademik Əhliman Əmiraslanov TƏBİB-in 5 illik fəaliyyətinə həsr olunan hesabat tədbirində deyib.
“Bu, kifayət qədər yüksək rəqəmdir. Belə bir vəsaitlə istər ölkə rəhbərliyi, istərsə də əhali səhiyyədən daha keyfiyyətli xidmət gözləyir”, - deyə Ə.Əmiraslanov qeyd edib.
Bölmənin digər xəbərləri
