Şəhriyar Məmmədyarov “Aimchess USRapid” turnirinin dörddəbir final mərhələsinə vəsiqə qazanıb
Bakı, 31 avqust, AZƏRTAC
Maqnus Karlsenin təşkil etdiyi “Champions Chess Tour” onlayn seriyasının sonuncu mərhələsi - “Aimchess USRapid” turnirinin təsnifat mərhələsinin son 5 turunun oyunları keçirilib.
AZƏRTAC xəbər verir ki, Azərbaycan qrossmeysteri Şəhriyar Məmmədyarov günün ilk qarşılaşmasında - 11-ci turda hindistanlı Santoş Viditlə heç-heçə edib, növbəti turda vyetnamlı Le Quanq Liemə uduzub. On üçüncü turda Fransa təmsilçisi Alireza Firuzca ilə heç-heçə edən şahmatçımız sonrakı turda rusiyalı Daniel Naroditskiyə qalib gəlib. Şəhriyar Məmmədyarovun ABŞ təmsilçisi Erik Hansen ilə keçirdiyi sonuncu qarşılaşmada da heç-heçə qeydə alınıb.
On beş turun yekununda 9 xal toplayan şahmatçımız 6-cı yerdə qərarlaşıb. Bununla da Ş.Məmmədyarov turnirin dörddəbir final mərhələsinə vəsiqə qazanıb.
Sentyabrın 5-dək davam edəcək yarışın mükafat fondu 100 min ABŞ dollarıdır.
Bölmənin digər xəbərləri
