Bakı, 11 sentyabr, AZƏRTAC

“Ötən gün 1-ci dərəcəli “Vətənə xidmətə görə” ordeni ilə təltif edildim. Bu çox qürurverici və sevindirici hissdir”.

AZƏRTAC xəbər verir ki, bu sözləri “Paris-2024” Yay Paralimpiya Oyunlarında uzunluğa tullanma üzrə yarışda qızıl medal qazanmış Azərbaycan idmançısı Səid Nəcəfzadə jurnalistlərə açıqlamasında deyib.

T12 kateqoriyasında yer alan atlet idmana və paralimpiyaçılara göstərdiyi diqqətə görə Prezident İlham Əliyevə təşəkkür edib: “Artıq ikinci dəfədir Paralimpiadada çıxış edirdim. Nəhayət, bu dəfə çempion ola bildim. Gənclər və İdman Nazirliyi, Milli Paralimpiya Komitəsi, məşqçilərim və ailəmə də dəstəklərinə görə minnətdaram”.