Şəki taxılçıları zəmilərdən 150 min tondan çox məhsul yığıblar
Şəki, 16 iyul, Mustafa Dadaşov, AZƏRTAC
Respublikanın ən iri taxılçılıq rayonlarından olan Şəkidə biçin prosesi başa çatmaq üzrədir. Cari mövsümdə rayonda 57 min 221,1 hektar taxıl sahəsinin biçilməsi nəzərdə tutulur.
Bu barədə AZƏRTAC-ın bölgə müxbirinə Şəki Dövlət Aqrar İnkişaf Mərkəzindən məlumat verilib.
Taxıl əkinlərinin 23 min 919,1 hektarını buğda, 33 min 302 hektarını arpa sahələri təşkil edir. Bu günədək taxıl sahələrinin 57 min 35 hektarında biçin başa çatdırılıb,150 min 812,3 ton taxıl yığılıb. Hər hektarda orta məhsuldarlıq 26,4 sentner təşkil edib.
Bildirilib ki, yığılan taxılın 87 min 450,4 tonu arpa, 63 min 361,9 tonu buğdadır. Arpa sahələrinin hər hektarından orta hesabla 26,3 sentner, buğda sahələrindən isə 26,7 sentner məhsul götürülüb.
Biçin dövründə sahələrdə 140-dək taxılbiçən kombayn işləyib. Fermerlər sahələrdə qalan məhsulun qısa müddətdə biçilib anbarlara yığılması üçün çalışırlar.
Bölmənin digər xəbərləri
