ŞƏKİ-ZAQATALA İQTİSADİ RAYONUNDA DÖVLƏT PROQRAMI UĞURLA YERİNƏ YETİRİLİR

16.05.2006 [12:33]
Çap et
A⁺ A^-

AZƏRTAC-ın müxbiri xəbər verir ki, regionların sosial-iqtisadi inkişafına dair Dövlət Proqramının icrasından ötən dövr ərzində Şəki-Zaqatala iqtisadi rayonu üzrə 11 mindən artıq daimi iş yeri açılmışdır. Bundan əlavə, həmin dövrdə iqtisadi rayonda kənd təsərrüfatı, tikinti və digər sahələrdə mövsümi və müvəqqəti işlərə minlərlə sakin cəlb edilmişdir.

İqtisadi İnkişaf Nazirliyinin məlumatına görə, 2002-2005-ci illərdə Sahibkarlığa Kömək Milli Fondunun vəsaiti ilə Şəki-Zaqatala iqtisadi rayonu üzrə kiçik və orta sahibkarlıq subyektlərinin kredit ehtiyaclarının ödənilməsi üçün təqdim edilən 425 layihəyə ümumilikdə 5,6 milyon AZN güzəştli kredit verilmişdir. Kreditlərin 50 faizə qədəri kənd təsərrüfatının, 40 faizi sənaye sahəsinin, qalanı isə turizm, sənətkarlıq və xidmət sahələrinin inkişafına yönəldilmişdir. Bu layihələrin reallaşması nəticəsində iqtisadi rayonda daha 4 minə yaxın daimi iş yeri yaradılacaqdır.

2006-cı ilin birinci rübündə iqtisadi rayon üzrə 25 sahibkarlıq subyektinə 989 min manat güzəştli kredit verilmişdir. Kreditlər Zaqatala rayonunda tütünçülüyün, emal sənayesinin, Balakən və Şəki rayonlarında heyvandarlığın, Şəki, Qəbələ və Qax rayonlarında turizm infrastrukturunun inkişafına yönəldilmişdir.

ŞƏKİ-ZAQATALA İQTİSADİ RAYONUNDA DÖVLƏT PROQRAMI UĞURLA YERİNƏ YETİRİLİR

MÜƏLLİFLƏ ƏLAQƏ

Bölmənin digər xəbərləri