Şəkidə ağacəkmə aksiyası keçirilmişdir
Şəki, 31 mart (AZƏRTAC). Yaz mövsümünün gəlişi ilə əlaqədar Şəki şəhərinin ərazisində, eləcə də rayonun qəsəbə və kəndlərində yaşıllaşdırma işlərinə başlanmışdır.
AZƏRTAC xəbər verir ki, yaşıllaşdırma tədbirləri çərçivəsində martın 31-də Şəkidə növbəti ağacəkmə aksiyası keçirilmişdir. İməcilik zamanı Oğuz-Şəki avtomobil yolunun hər iki tərəfində, eləcə də qəsəbə və kəndlərdə 10 min ədəd qoz, ağcaqayın, sərv və digər növ yerli ağac tingləri, habelə, meyvə ağaclarından alma, alça, gilas və tut tingləri əkilmişdir. Şəkililər ekoloji mühitin sağlamlaşdırılmasına yönələn bu xeyirxah aksiyada olduqca fəal iştirak etmişlər.
Ağacəkmə aksiyası növbəti həftələrdə də davam etdiriləcəkdir. Ümumiyyətlə, yaz mövsümündə rayon ərazisində 30 mindən artıq müxtəlif növ ağac tinginin əkilməsi nəzərdə tutulur.
Bölmənin digər xəbərləri
