Şəkidə meşə fonduna məxsus ərazidə baş vermiş yanğının qarşısı alınmışdır
Bakı, 1 aprel (AZƏRTAC). Şəki rayonunun Küncüt bələdiyyəsinə məxsus sahədə yanğın hadisəsi baş vermişdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, hadisəyə səbəb Oğuz-Şəki yolunun mühafizə zolağının ətrafında yaşayan sakinlər tərəfindən tonqalın yandırılması olmuşdur. Yanğın genişlənərək meşə fonduna məxsus əraziyə keçmiş və nəticədə bir hektar sahədə quru ot örtüyü və kollar yanmışdır.
Ekologiya və Təbii Sərvətlər, Fövqəladə Hallar nazirliklərinin yerli qurumları və əhali tərəfindən yanğın nəzarətə götürülmüş, alovun digər ərazilərə yayılmasının qarşısı alınmışdır.
Bölmənin digər xəbərləri
