Şərq ulduz falı (3-9 iyun)
OĞLAQLARI gərgin əmək həftəsi gözləyir. Bu həftə başladığınız bütün işləri bitirib layiqli nəticəyə nail olacaqsınız. Əzmkarlığınız nəinki ovqatınızı yüksəldəcək, həm də özünüzə inam hissini, başqalarının gözündə dəyərinizi artıracaqdır. Maliyyə uğuru gözlənilir. İşlərin uğurlu gedişatı karyeranızın inkişafına rəvac verəcəkdir.
DOLÇALAR bu günlər vaxtlarının çoxunu ailə-məişət qayğılarına həsr edəcəklər. Tənbəlliyin yeri deyildir. Fəal olun, qətiyyət nümayiş etdirin. Onda bütün qayğıların öhdəsindən asanlıqla gələcəksiniz. Həftə sonu intellektual səviyyənizi artırmaqla məşğul olmalısınız. Maddi durumunuz sabitdir, nə böyük gəlirlər, nə də böyük xərclər gözlənilir.
BALIQLARI da kifayət qədər gərgin iş həftəsi gözləyir. İşin həcminin çox olması və bəzi maneələrin ortaya çıxması nəticəsində nə yuxu, nə də istirahət qulağınıza girməyəcəkdir. İşdən başqa hər şeyi unudacaqsınız. Bu günlər sizdən böyük səy, yeni yanaşma və təzə baxış tələb edəcəkdir. Tələm-tələsik qərarlar qəbul etməyin, rəhbərlik və həmkarlarla danışarkən təmkininizi pozmayın.
QOÇLAR yayın gəlməsinə və məzuniyyətə can atmalarına baxmayaraq, başları işdən ayılmayacaqdır. Son vaxtlar rəhbərlik sizdən yaman narazıdır. Onu bu fikirdən çəkindirmək öz əlinizdədir. Yaxşı fiziki formanı qoruyub saxlamaq üçün hər səhər gimnastika ilə məşğul olmalısınız.
BUĞALAR boş vədlər verməkdən və boş söhbətlərdən uzaq qaçmalıdırlar. Unutmayın ki, hər sözünüzə görə məsuliyyət daşıyırsınız. Sənəd məsələlərində xüsusilə diqqətli olmalısınız, çünki səhvə və yanlışlıqlara yol vermək ehtimalı çox yüksəkdir. Diqqətli olun ki, sonradan rəhbərlik qarşınızda xəcalət təri töküb qızarmayasınız. Bu həftə tələbə və şagirdlər üçün daha uğurludur, çünki təlim-təhsil məsələlərinin həlli üçün əlverişlidir.
ƏKİZLƏRİ yaxşı gəlir gözləyir. Gərgin əməyiniz layiqincə qiymətləndiriləcəkdir. Sizə qeyri-adi mənbədən pul gələcəkdir. Bir çoxlarınız fəaliyyət sahəsini genişləndirməklə bağlı köhnə niyyətlərini həyata keçirəcəklər. Siz ya sərfəli müqavilə imzalayacaqsınız, ya da işgüzar xarakterli xoş xəbər alacaqsınız.
XƏRÇƏNGLƏRƏ borc pul almaq məsləhət görülmür. Yaxşı olar, ayağınızı yorğanınıza görə uzadıb öz imkanlarınızla keçinəsiniz. Bəlkə də xoş olanla zəruri olan arasında seçim etməli olacaqsınız. Başqa yolunuz, başqa çarəniz yoxdur. İstənilən halda pul məsələlərini problemə çevirməyin. Tezliklə hər şey qaydaya düşəcək və mürəkkəb vəziyyətdən şərəflə çıxacaqsınız. Üstəlik, zəngin təcrübə qazanacaqsınız.
ŞİRLƏR qeyri-adi ruh yüksəkliyi və enerji hissi edəcək, həyata nikbin nəzərlərlə baxacaqlar. Bu əlverişli dövrdən ağıllı-başlı yararlanıb, günü-günə satdığınız işlərə həsr etməlisiniz. Rasional planlaşdırma və imkanlarınızı real qiymətləndirmək bacarığınız sayəsində zəhlətökən problemlərinizdən qurtula bilərsiniz.
QIZLAR həftənin əvvəlində ilin ikinci yarısı üçün yeni planlar cızmaqla məşğul olacaqlar. Bu yaxınlarda yaxşıca xərcə düşdüyünüz üçün pul kisənizdə “ac pişiklər miyoldayır”. Bu həftədən etibarən maliyyə durumunuz yavaş-yavaş düzələcəkdir. Yaxın günlərdə təmiz havada fiziki əməklə məşğul olmalısınız. Bu işdən böyük zövq alacaqsınız. Həftə sonu köhnə tanışlarınızdan işgüzar təklif alacaqsınız.
TƏRƏZİLƏR nəhayət azad yaradıcılığa baş vurub istedadlarını inkişaf etdirə biləcəklər. Bu həftə sizə bir çox istəklərinizi həyata keçirmək şansı veriləcəkdir. Qərar qəbul edərkən dost məsləhətlərini qulaqardına vurmalısınız. Onlar sizi çaşdırıb yolunuzdan azdıra bilər. Sizə məsləhət lazımdırsa, yaxınlarınızdan alın.
ƏQRƏBLƏR üçün çox uğurlu dövrdür. Bütün təşəbbüsləriniz müvəffəqiyyətlə sonlanacaqdır. Bu həftənin zəfər çələngi sizin olacaqdır. Vaxtı əldən verməyin, vacib məsələlərin həlli ilə məşğul olun, ya da yeni fəaliyyət növünə başlayın. Perspektivləriniz barədə düşünün. Görünür, bəzi keçmiş ideya və planlarınızdan imtina etməli olacaqsınız, lakin onlar daha maraqlı və vədverici olan yeni ideyalarla əvəzlənəcəkdir.
OXATANLAR bu həftə növbəti dəfə diqqət mərkəzində olacaqlar. Siz yenə də özünüzü lazımlı və gərəkli hiss edəcəksiniz. Peşəkarlığınızı və təşkilatçılıq bacarığınızı layiqincə tətbiq edib hər sahədə əla nəticələrə nail olacaqsınız. Mağazalara səfəriniz də uğurlu olacaqdır. Yayın “bar-bar bağırıb” təklif etdiyi güzəştli qiymətləri əldən verməməlisiniz.
Bölmənin digər xəbərləri
