ŞİRKƏT BİOLOJİ MÜXTƏLİFLİYƏ DAİR KONVENSİYAYA ÖZ TÖHFƏSİNİ VERİR

29.11.2005 [10:43]
Çap et
A⁺ A^-

AZƏRTAC xəbər verir ki, Azərbaycan Beynəlxalq Əməliyyat Şirkətinin və Azərbaycan Milli Elmlər Akademiyasının əməkdaşları bioloji müxtəlifliyin öyrənilməsi, qorunub saxlanması məqsədi ilə bir sıra elmi tədqiqatlar aparmış, 10-dan çox layihə həyata keçirmiş, o cümlədən suitilərin ölüm halları tədqiq edilmiş, quşların, balıqların, makrobentosun, yeraltı suların monitorinqi aparılmış, Xəzərdə suyun kimyəvi tərkibi və çöküntüləri öyrənilmiş, bitki örtüyünün bərpası üzrə işlər görülmüş, “Xəzər dənizinin ekoloji monitorinqi” icmalı hazırlanmışdır.

Şirkət 5 Xəzəryanı ölkəni əhatə edən Xəzər Ekologiya Proqramı çərçivəsində Xəzərin regional ekoloji məsələlərinə və Xəzər Biomüxtəliflik Konvensiyasının işlənib hazırlanmasında yaxından iştirak etmişdir.

Qeyd edək ki, BMT tərəfindən 1992-ci il iyunun 12-də Braziliyanın Rio-de-Janero şəhərində “Bioloji müxtəliflik haqqında” Konvensiya qəbul edilmişdir. Bu konvensiya Azərbaycan Respublikası hökuməti tərəfindən imzalanmış və 2000-ci ilin mart ayında Azərbaycan Respublikası Milli Məclisi tərəfindən ratifikasiya olunmuşdur. Artıq bu gün 180-dən çox ölkə bu Konvensiyaya qoşulmuşdur.

ŞİRKƏT BİOLOJİ MÜXTƏLİFLİYƏ DAİR KONVENSİYAYA ÖZ TÖHFƏSİNİ VERİR

MÜƏLLİFLƏ ƏLAQƏ