ŞİRVAN MİLLİ PARKINDA BEYNƏLXALQ SEMİNAR
AZƏRTAC xəbər verir ki, sentyabrın 23-də Şirvan Milli Parkında Xəzərin ekoloji problemlərinə dair beynəlxalq seminar olmuşdur. Azərbaycan Ekologiya və Təbii Sərvətlər Nazirliyinin təşkil etdiyi seminar bu günlərdə Bakıda başa çatan “Xəzər çoxqütblü dünyanın mərkəzidir” beynəlxalq forumu çərçivəsində keçirilmişdir.
Azərbaycan, Rusiya və Qazaxıstan ekspertlərinin, jurnalistlərin iştirak etdikləri seminarda Xəzərin çirklənməsinin qarşısını almaq məsələləri, bu sahədəki problemlərin həlli, bioehtiyatların qorunması, əməkdaşlığın genişləndirilməsi problemləri barədə fikir mübadiləsi aparılmışdır.
Seminardan sonra iştirakçılar Şirvan Milli Parkı ilə tanış olmuşlar.
Bölmənin digər xəbərləri
