“Şkendiya”–“Neftçi” matçını belçikalı hakimlər briqadası idarə edəcək
Bakı, 19 iyul, AZƏRTAC
Futbol üzrə UEFA Avropa Liqasının ikinci təsnifat mərhələsi çərçivəsində keçiriləcək “Şkendiya” (Makedoniya) - “Neftçi” (Bakı) oyununa hakim təyinatları açıqlanıb.
AZƏRTAC xəbər verir ki, görüşün baş hakimi belçikalı Erik Lambrexts olacaq.
Ona həmyerliləri Karel de Rokker və Jo de Veyrdt kömək edəcəklər. Dördüncü hakim funksiyasını Frederik Qeldhof yerinə yetirəcək. UEFA nümayəndəsi Krouford Uilson (Şimali İrlandiya), hakim-inspektor isə Nikolae Qriqoresku (Rumıniya) olacaq.
Qeyd edək ki, iyulun 21-də “Filip II Makedonski” stadionunda keçiriləcək “Şkendiya”-“Neftçi” oyunu Bakı vaxtı ilə saat 22:00-da başlayacaq.
Bölmənin digər xəbərləri
