SOCAR-ın keçənilki gəlirlərinin 92,7 faizi xarici bazarlarda qeydə alınıb
Bakı, 30 iyun, AZƏRTAC
Ötən il SOCAR-ın ümumi gəlirlərinin 92,7 faizi xarici bazarlarda qeydə alınıb.
Şirkətdən AZƏRTAC-a bildirilib ki, bunun da 63,7 milyard manatı İsveçrədəki “SOCAR Trading” və “SOCAR Energy Holding” şirkətləri vasitəsilə aparılan ticarət dövriyyəsinin payına düşüb.
Mənfəət nisbəti yüksək olan istehsal və nəql kimi sahələrdə keçən il şirkətin gəlirləri artmaqda davam edib, bu artım Türkiyədə 88,6 faiz, Gürcüstanda isə 4,3 faiz olub.
Qeyd edək ki, 2019-cu ildə SOCAR-ın ümumi dövriyyəsi (gəlirləri) 83,8 milyard manat təşkil edib.
Bölmənin digər xəbərləri
