Sorğu: Amerikalıların 70 faizi Baydenin istefa verməsini istəyir
Bakı, 18 iyul, AZƏRTAC
Amerikalıların ən azı 70 faizi ABŞ-ın hazırkı Prezidenti Co Baydenin seçki yarışından geri çəkilməsini və yerini başqa namizədə verməsini istəyir.
AZƏRTAC xəbər verir ki, bu nəticə AP-NORC sosioloji xidməti tərəfindən aparılan sorğuda əksini tapıb.
Bildirilir ki, Prezident Baydenin debat performansına qarşı reaksiya fonunda, Demokrat Partiyasının tərəfdarlarının 65 faizi daxil olmaqla, rəyi soruşulan hər 10 amerikalıdan 7-nin fikrincə, o, namizədliyini geri götürməli və partiyasının başqa namizəd seçməsinə imkan verməlidir.
Sosioloji xidmətin məlumatına görə, sorğuda iştirak edən demokratların yalnız 27 faizi Co Baydenin prezident vəzifələrini səmərəli şəkildə yerinə yetirməyə qadir olduğuna inanır.
İndi siyasətçilər və jurnalistlər deyirlər ki, demokratlar Baydenin namizədliyini irəli sürməkdən imtina edə və onu başqa namizədlə əvəzləyə bilərlər. Partiyanın avqustda keçiriləcək qurultayında nəzəri cəhətdən belə bir imkanı var. Lakin ilkin seçkilərdə qalib gələn Baydenin özü iştirakdan imtina etməsə, onu yarışdan kənarlaşdırmaq çətin olacaq. Eyni zamanda, hazırkı prezidentin seçki qərargahı onun təslim olmaq və mübarizədən çəkilmək fikrində olmadığını bildirir.
Bölmənin digər xəbərləri
