Statistika Komitəsinin kollektivi müzəffər Ordumuza sovqat göndərib
Bakı, 15 oktyabr, AZƏRTAC
Dövlət Statistika Komitəsinin kollektivi Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə ölkəmizin ərazi bütövlüyünün bərpa olunması uğrunda haqq mübarizəsi aparan Şanlı Ordumuza dəstək aksiyasına qoşularaq Müdafiə Nazirliyinin Mərkəzi Əşya Bazasına sovqat göndərib.
Bu barədə AZƏRTAC-a komitədən bildirilib.
Qeyd edək ki, ötən ay komitə rəhbərliyi 1 aylıq vəzifə maaşını Silahlı Qüvvələrə Yardım Fonduna köçürüb.
Dövlət Statistika Komitəsinin rəhbərliyi və kollektivi məğrur Azərbaycan Ordusuna bu haqq-ədalət savaşında sonsuz uğurlar və möhtəşəm qələbə arzulayır.
İgid əsgər, qələbə sənindir! Qarabağ Azərbaycandır!
Bölmənin digər xəbərləri
