Strasburqda Xocalı soyqırımının 20-ci ildönümü ilə bağlı mitinq keçiriləcəkdir
Bakı, 22 fevral (AZƏRTAC). Fevralın 25-də Strasburqun Kleber meydanında “Azərbaycan Evi”, Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) təşkilatçılığı ilə “Xocalıya ədalət” beynəlxalq kampaniyası çərçivəsində mitinq keçiriləcəkdir.
Diasporla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, Strasburq “Azərbaycan Evi”nin rəhbəri Mustafa Alınca mitinqin keçirilməsi üçün şəhər prefekturası və polis idarəsindən icazə alındığını demişdir.
Mitinq çərçivəsində Kleber meydanında fransız, ingilis dillərində kitablar və Xocalı soyqırımına həsr olunmuş fotoşəkillərdən ibarət sərgi də təşkil olunacaqdır. Xocalı şəhidlərinin xatirəsinə ehtiram əlaməti olaraq havaya 613 şarın uçurdulması da planlaşdırılır.
Bölmənin digər xəbərləri
