İQTİSADİYYAT
SU TƏCHİZATI YAXŞILAŞDIRILIR
AZƏRTAC xəbər verir ki, regionların sosial-iqtisadi inkişafına dair Dövlət Proqramında nəzərdə tutulmuş tədbirlər Ucar rayonunda da uğurla reallaşdırılır.
Əhalinin və təsərrüfatların su təchizatı ilə bağlı işlər davam etdirilir. İndiyədək 1420 metrlik su xətti dəyişdirilmiş, 410 metrlik yeni su xətti çəkilmişdir. Təsərrüfatların ehtiyacını ödəmək üçün 20,8 kilometr uzunluğunda yeni arx qazılmış, 760 metrlik boru çəkilmiş, bir yeni artezian quyusu qazılıb istifadəyə verilmişdir. Eyni zamanda, 1 elektrik nasosunun təmir edilməsi sayəsində su anbarındakı su ehtiyatı 2 dəfə artırılmışdır. Yuxarı Şilyan kəndini su ilə təmin edən arxın Zərdab rayonu ərazisindən keçən 3 kilometrlik hissəsi lildən təmizlənmişdir. 19 ədəd hidrotexniki qurğu təmir olunmuşdur.
Bununla yanaşı, 1,2 kilometr uzunluğunda üstüörtülü drenaj sistemi tikilmiş, kanalizasiya xətləri lildən təmizlənmişdir.