SUALTI QAZ KƏMƏRİNİN 15,5 KİLOMETRLİK HİSSƏSİNİN ÇƏKİLİŞİ BAŞA ÇATMIŞDIR

03.10.2006 [18:09]
Çap et
A⁺ A^-

AZƏRTAC-ın xüsusi müxbiri xəbər verir ki, 2007-ci ildən Azərbaycan təbii qazını Yunanıstana və Avropanın digər ölkələrinə nəql edəcək Türkiyə-Yunanıstan qaz kəmərinin dənizdən keçəcək 17 kilometrlik hissəsinin 15,5 kilometrinin çəkilişi başa çatmışdır.

Bu barədə jurnalistlərə məlumat verən “Botaş” şirkətinin baş direktoru Hüseyn Saltuk Düzyol 212 kilometrlik kəmərin sualtı hissəsinin çəkilişi üçün İtaliyadan “Regina-250” gəmisinin gətirildiyini və obyektdə italiyalı mütəxəssislərin çalışdıqlarını bildrmişdir. Baş direktor qaz kəmərinin bu ilin sonunadək hazır olacağını, Yunanıstandakı qaz anbarına əvvəlcə 750

milyon kubmetr mavi yanacaq nəql ediləcəyini söyləmişdir.