Sudanda silahlıların hücumu nəticəsində 18-dən çox insan qətlə yetirilib
Qahirə, 18 may, AZƏRTAC
Sudanda silahlı toqquşmalar şiddətlənir. Şimali Darfur vilayətinin mərkəzi Faşir şəhərindəki Əbu Şuk köçkün düşərgəsinə dörd gün davam edən artilleriya hücumları nəticəsində 18-dən çox insan öldürülüb, 30 nəfər isə ağır yaralanıb.
AZƏRTAC Sudan Xəbər Agentliyinə istinadla bildirir ki, hücumlar mərkəzi hakimiyyətə qarşı vuruşan Çevik Dəstək Qüvvələri tərəfindən həyata keçirilib.
Qeyd olunur ki, hücumlar nəticəsində düşərgədə humanitar vəziyyət daha da pisləşib. Qida və dərman çatışmazlığı son həddə çatıb. Bundan əvvəl üsyançı Çevik Dəstək Qüvvələrinin Sudanın Darfur bölgəsində Zəmzəm və Əbu Şuk məcburi köçkün düşərgələrinə 4 gün davam edən hücumu nəticəsində 450 nəfər həyatını itirmişdi.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
