Sumqayıtda karantin qaydalarına riayət olunması məqsədilə maarifləndirmə tədbirləri həyata keçirilir
Sumqayıt, 27 iyul, Ətrabə Rzayeva, AZƏRTAC
Sumqayıt Şəhər İcra Hakimiyyətinin təşəbbüsü, şəhər Gənclər və İdman Baş İdarəsinin, eyni zamanda Polis İdarəsinin təşkilatçılığı ilə müxtəlif sahələri təmsil edən könüllü gənclərdən ibarət mobil qruplar tərəfindən koronavirus pandemiyasının yayılmasının qarşısının alınması, karantin rejimi qaydalarına riayət olunması məqsədilə gündəlik gücləndirilmiş nəzarət profilaktik-maarifləndirmə tədbirləri həyata keçirilir.
Şəhər Gənclər və İdman Baş İdarəsindən AZƏRTAC-a bildirilib ki, təşkil edilən qruplar vasitəsi ilə şəhərin mərkəzi küçə və prospektində yerləşən obyektlərdə sosial məsafəni gözləməyən, maskalardan istifadə etməyən şəxslərlə maarifləndirici söhbətlər aparılır, mövcud pandemiya qaydalarına riayət olunmasının vacibliyi diqqətə çatdırılır.
Tədbir zamanı könüllülər tərəfindən sakinlərlə fərdi-profilaktik söhbətlər aparılıb, pandemiya ilə mübarizənin vacibliyi və qanunun tələbləri izah edilib, maarifləndirici xarakterli təlimat vərəqləri paylanılıb.
Bölmənin digər xəbərləri
