SUMQAYITIN ENERJİ TƏCHİZATI YAXŞILAŞIR
Sumqayıtın enerji təminatını yaxşılaşdırmaq məqsədi ilə “Azərenerji” Səhmdar Cəmiyyəti bu istiqamətdə əlavə yüksək gərginlikli elektrik ötürmə xətti çəkmək barədə qərar qəbul etmişdir.
“Azərenerji”nin mətbuat xidmətindən AZƏRTAC-a bildirmişlər ki, “Sənaye qovşağı” yardımçı stansiyası 110 kilovoltluq yeni elektrik ötürmə xəttinə qoşulmuşdur. Beləliklə, əsasən, Rusiya ilə Azərbaycan arasında elektrik enerjisi mübadiləsinin aparıldığı Dərbənd-Yaşma elektrik xətti vasitəsilə şəhərə əlavə həcmdə elektrik enerjisi daxil olacaqdır.
Mütəxəssislərin fikrincə, “Sənaye qovşağı” və “Yaşma” yardımçı stansiyaları əlavə yük götürməyə hazırdırlar, çünki burada görülmüş təmir işləri buna imkan verir.
Bölmənin digər xəbərləri
