“Sumqayıt”ın yarımmüdafiəçisi AEL-lə münasibətləri rəsmiləşdirib
Sumqayıt, 12 yanvar, AZƏRTAC
“Sumqayıt” futbol klubundan ayrılan yarımmüdafiəçi Amit Quluzadə Yunanıstanın professional futbol klubu AEL-lə münasibətləri rəsmiləşdirib.
“Sumqayıt” futbol klubunun mətbuat xidmətindən AZƏRTAC-a bildirilib ki, 24 yaşlı yarımmüdafiəçi ilə artıq rəsmi müqavilə bağlanılıb. Azərbaycan millisinin də formasını geyinmiş A.Quluzadə Yunanıstan Super Liqasının təmsilçisi ilə 2,5 illik sazişə imza atıb.
Qeyd edək ki, A.Quluzadə karyerası ərzində “Erciyesspor” (Türkiyə) və “Atletiko” (Portuqaliya) klublarında da legioner həyatı yaşayıb.
Bölmənin digər xəbərləri
