Şuşada keçiriləcək Vüqar Həşimov Memorialının iştirakçıları bəlli olub
Bakı, 6 sentyabr, AZƏRTAC
Görkəmli şahmatçı, Avropa çempionu Vüqar Həşimovun xatirəsinə sayca 10-cu dəfə təşkil olunacaq Memorialın iştirakçıları bəlli olub.
AZƏRTAC xəbər verir ki, bu barədə yarışın direktoru Anar Allahverdiyev mətbuat konfransında məlumat verib.
O bildirib ki, "Vüqar Həşimov Memorialı-2024"də Nodirbek Abdusattarov (Özbəkistan, FIDE reytinqi 2766), Yan Nepomnyaşi (FIDE, 2755), Riçard Rapport (Macarıstan, 2766), yarışın son qalibi Vidit Santoş Qucrati (Hindistan, 2720), Azərbaycan təmsilçilərindən isə Şəhriyar Məmmədyarov, Aydın Süleymanlı və Rauf Məmmədov iştirak edəcəklər.
Qeyd edək ki, yarış Vüqar Həşimov Şahmat Fondu, Gənclər və İdman Nazirliyi və Azərbaycan Şahmat Federasiyanın təşkilatçılığı ilə sentyabrın 25-30-da Şuşa şəhərində təşkil olunacaq.
Bölmənin digər xəbərləri
