Tacikistanda ilk dəfə olaraq çarpaz orqan köçürmə əməliyyatı keçirilib
Düşənbə, 18 fevral, АZƏRTAC
Tacikistanda ilk dəfə olaraq çarpaz orqan köçürmə əməliyyatı keçirilib.
AZƏRTAC xəbər verir ki, Tacikistanın Kissar şəhərinin sakini Ruxşona Ahmedova qaraciyərinin bir hissəsini Düşənbədə yaşayan Zarnigar Sanqovanın qızına verib. Z.Sanqovanın qaraciyərinin bir hissəsi isə R.Ahmedovanın qızına köçürülüb.
Səkkiz saat keçən əməliyyatlar uğurlu olub, analar və övladları özlərini yaxşı hiss edirlər.
Tacikistanda bu vaxta qədər yalnız valideynlər və yaxın qohumlar orqan donoru ola bilərdilər. Donordan qohumluq əlaqəsi olmayan xəstəyə qaraciyər köçürülməsi Tacikistanın tibb sahəsində ilk hadisədir.
Həkimlərin fikrincə, çarpaz donorluq qanunsuz insan orqanları alverinin qarşısını ala bilər. Həmçinin bu təcrübə illərlə donor gözləyən xəstələr üçün ümid işığıdır.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
