Tarix Muzeyinin əməkdaşları beynəlxalq simpoziumda çıxış ediblər
Bakı, 3 dekabr, AZƏRTAC
Milli Azərbaycan Tarixi Muzeyinin əməkdaşları - direktor müavini, dosent Həbibə Əliyeva, tarix üzrə fəlsəfə doktoru Əli Fərhadov, Aynur Babayeva Türkiyənin Konya şəhərində keçirilmiş beynəlxalq simpoziumda onlayn iştirak ediblər.
Muzeydən AZƏRTAC-a bildirilib ki, 14-cü Beynəlxalq türk mədəniyyəti, sənəti və mədəni mirası qoruma simpoziumunda dosent H.Əliyeva “Türk-islam mədəniyyətini təcəssüm etdirən Şahxəndan türbəsi”, Ə.Fərhadov “Azərbaycanda islam: əl-Bakuvi nümunəsi”, A.Babayeva “ICOM Azərbaycan Milli Komitəsinin muzeylərin beynəlxalq münasibətlərindəki rolu və əhəmiyyəti” adlı məruzələrlə çıxış ediblər.
Simpoziumun materialları toplusu nəşr ediləcək.
Bölmənin digər xəbərləri
