Təbiəti qorumaq məqsədi ilə uşaqlar arasında müsabiqə elan edilmişdir
Bakı, 18 aprel (AZƏRTAC). Aprelin 18-dən “Təmiz Şəhər” Açıq Səhmdar Cəmiyyəti (ASC) ibtidai sinif şagirdləri üçün müsabiqəyə start vermişdir.
ASC-nin mətbuat xidmətindən AZƏRTAC-a bildirmişlər ki, başlıca məqsəd uşaqlara məişət tullantıları ilə düzgün rəftar qaydalarını və təbiətin qorunması vərdişlərini aşılamaqdır.
Təmiz şəhərə səyahət, tullantıların azaldılması və təkrar istifadəsi, israfçılığın qarşısının alınması mövzusunda nağıl və kiçik hekayələr MS Word formatında 200 sözdən artıq olmamaq şərti ilə mayın 10-dək [email protected] elektron ünvanına göndərilməlidir. Məktubda həmçinin, müəllif barədə qısa məlumat qeyd olunmalıdır.
Münsiflər heyətinin seçdiyi qaliblərə hədiyyələr veriləcək, onların əsərlərindən ibarət şəkilli kitablar nəşr edilərək məktəblərə pulsuz paylanacaqdır.
Bölmənin digər xəbərləri
