Təbii fəlakət Azərbaycan Dövlət Aqrar Universitetinə daha çox ziyan vurmuşdur
Gəncə, 11 iyun (AZƏRTAC, Sabir Əliyev). İyunun 10-da axşam saatlarında Gəncədə əsən güclü külək və leysan yağışları Azərbaycan Dövlət Aqrar Universitetinin binalarına xeyli ziyan vurmuşdur.
AZƏRTAC xəbər verir ki, universitetin inzibati binasının həyətindəki uzunluğu 10 metr, eni isə 2 metr olan hasar uçmuş, kimya korpusunun 248 kvadratmetr sahəsi olan dam örtüyü tamamilə sıradan çıxmışdır. Bundan əlavə, təhsil ocağının müxtəlif korpuslarında olan böyük ağaclar aşaraq müxtəlif fəsadlar törətmişdir.
Hazırda təbii fəlakətin törətdiyi fəsadların aradan qaldırılması üçün tədbirlər görülür.
Bölmənin digər xəbərləri
