“Təcrübə Akademiyası”nın açılışı olub
Bakı, 8 sentyabr, AZƏRTAC
“Təcrübə Akademiyası”nın açılış mərasimi və ilk təlimi keçirilib.
AZƏRTAC Gənclər və İdman Nazirliyinin saytına istinadla xəbər verir ki, açıq havada gənclərin iştirakı ilə baş tutan tədbirdə liderliyin nadir insanlara xas xüsusiyyət olduğu vurğulanıb.
Təlimçi, sosial tədqiqatçı Zaur Cahangirov qeyd edib ki, çox zaman idarəedicilik və liderlik bir-biri ilə qarışdırılır, lakin bunlar fərqli anlayışlardır. İdarəçilik, sonradan öyrənmə yolu ilə əldə olunur. Liderlik isə insanların daxilindən gəlir. İdarəçilik üçün bir insan təhsil ala bilər, idarəçiliyin bütün sistemlərini mənimsəməklə gözəl bir idarəçi ola bilər. Lakin liderlik haqqında nə qədər təhsil, məlumat alınsa da bunlar yetərli olmaya bilər.
Sonda təlimçi gəncləri maraqlandıran sualları cavablandırıb.
Bölmənin digər xəbərləri
