Tədbirdə Ümummilli Liderin xalqımız qarşısındakı misilsiz xidmətlərindən bəhs edilib
Bakı, 9 dekabr, AZƏRTAC
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda görkəmli dövlət xadimi, ümummilli lider Heydər Əliyevin anım günü münasibətilə tədbir keçirilib.
Akademiyadan AZƏRTAC-a bildiriblər ki, əvvəlcə tədbir iştirakçıları ulu öndər Heydər Əliyevin əziz xatirəsini yad ediblər.
İnstitutun direktor müavini, filologiya elmləri doktoru Aybəniz Əliyeva-Kəngərli həyatını fədakarcasına millətinə həsr etmiş dahi şəxsiyyət Heydər Əliyevin xalqımız qarşısındakı misilsiz xidmətlərindən danışıb, Ümummilli Liderin əməllərinin əbədi olaraq yaşayacağını qeyd edib.
İnstitutun direktor müavini, filologiya elmləri doktoru Paşa Kərimov Ümummilli Liderin Azərbaycan elmi, o cümlədən Əlyazmalar İnstitutunun inkişafı istiqamətində gördüyü işləri xüsusi vurğulayıb. Bildirib ki, keçmiş SSRİ dövründə Əlyazmalar Fondunun institut statusu alması, müəssisəyə şəhərin mərkəzində tarixi bir binada yer ayrılması məhz Ulu Öndərin xidmətidir.
Tədbirdə digər çıxış edənlər də Ümummilli Liderin Azərbaycan xalqı və dövləti qarşısındakı əvəzsiz xidmətlərindən söz açıblar.
Bölmənin digər xəbərləri
