TƏHSİL NAZİRİ ALMANİYANIN KÖLN TƏTBİQİ ELMLƏR UNİVERSİTETİNİN REKTORU İLƏ GÖRÜŞMÜŞDÜR
Təhsil Nazirliyindən AZƏRTAC-a bildirmişlər ki, görüşdə nazir M.Mərdanov Almaniya ilə Azərbaycan arasında təhsil əlaqələrindən danışmış və bu əlaqələrin daha da inkişaf etdirilməsinin vacibliyini nəzərə çarpdırmışdır.
Qeyd edilmişdir ki, hazırda Bakının bir neçə orta ümumtəhsil məktəbində alman dili müəyyənləşdirilmiş proqram əsasında tədris olunur.
Cənab Met Sner rəhbərlik etdiyi ali məktəbin Azərbaycan Texniki Universiteti ilə əməkdaşlığından, TEMPUS layihəsi çərçivəsində həyata keçirilən tədbirlərdən bəhs etmiş, tələbə mübadiləsinin əhəmiyyətini vurğulamışdır.
Bölmənin digər xəbərləri
