Tələbə gənclər “Təmiz dünya naminə” adlı ekoloji aksiya keçirmişlər
Bakı, 13 aprel (AZƏRTAC). Azərbaycan Tələbə Gənclər Təşkilatları İttifaqının (ATGTİ) Ekologiya işçi qrupu Park Bulvar Ticarət Mərkəzində “Təmiz dünya naminə” adlı ekoloji tədbir keçirmişdir.
ATGTİ-nin mətbuat xidmətindən AZƏRTAC-a bildirmişlər ki, məqsəd gənclərin və ümumilikdə bütün ictimaiyyətin diqqətini ekologiya problemlərinə cəlb etmək və bu sahədə birgə fəaliyyət göstərmək olmuşdur.
Üzərinə “Təmiz dünya naminə” şüarı yazılmış yaşıl papaqlar qoymuş 200-ə yaxın gənc aksiyada həvəslə iştirak etmişdir.
Ekologiya işçi qrupunun rəhbəri Surxay Novruzov bu cür aksiyaların davamlı olacağını bildirmiş və qeyd etmişdir ki, qrup fəaliyyətlərini daha da genişləndirəcəkdir.
Bölmənin digər xəbərləri
