Tələbələr dünya informasiya agentliklərinin informasiya siyasəti haqqında məlumatlandırılıblar
Bakı, 27 aprel, AZƏRTAC
“Beynəlxalq Jurnalistika Məktəbi”nin növbəti təlimi keçirilib.
Bakı Dövlət Universitetindən (BDU) AZƏRTAC-a bildiriblər ki, tədbirdə bu ali məktəbin jurnalistika fakültəsinin dekanı, dosent Vüqar Zifəroğlu “Beynəlxalq Jurnalistika Məktəbi”nin fəaliyyəti barədə məlumat verib.
Təlimçi, “Anadolu” İnformasiya Agentliyinın Asiya-Qafqaz bölgə müdirliyinin nümayəndəsi Tolqa Özgenç “Qlobal informasiya məkanının formalaşmasında informasiya agentliklərinin rolu” mövzusunda məruzə ilə çıxış edib. O, tələbələrə jurnalist peşəkarlığının özəlliklərindən, “Anadolu” İnformasiya Agentliyinin timsalında informasiya agentliyinin fəaliyyəti, onun informasiya proseslərində iştirakı və s. barədə danışıb.
T.Özgenç, həmçinin dünya informasiya agentliklərinin informasiya siyasəti haqqında məlumat verib.
Görüşdə jurnalistikanın xəbərçilik funksiyasının xüsusiyyətləri, beynəlxalq siyasi arenada gedən proseslərlə jurnalist fəaliyyətinin qarşılıqlı əlaqələri ilə bağlı məsələlər də müzakirə edilib.
Bölmənin digər xəbərləri
