TEYMUR RƏCƏBOV ODESSADA SÜRƏTLİ ŞAHMAT ÜZRƏ DÜNYA KUBOKUNUN İKİNCİ YARIMFİNALINA ÇIXMIŞDIR
AZƏRTAC-ın xüsusi müxbiri xəbər verir ki, sürətli şahmat üzrə Şahmat Peşəkarları Assosiasiyasının II Dünya Kubokunun yarımfinalına Teymur Rəcəbov (Azərbaycan), Dmitri Yakovenko, Aleksandr Qrişşuk (Rusiya) və Sergey Karyakin (Ukrayna) çıxmışlar. Çempionat Odessada keçirilir.
T.Rəcəbov Vasili İvançuka (Ukrayna) 3:2, D.Yakevenko öz həmyerlisi Ernest İnarkiyevə 1,5:0,5, A.Qirişşuk Pyotr Svidlerə (Rusiya) 1,5:0,5, S.Karyakin Boris Gelfanda (İsrail) 3:1 hesabı ilə qalib gəlmişlər.
Turnirin yarımfinal və final oyunları yanvarın 7-də keçirilmişdir.
II Dünya Kuboku Odessanın “Pivdeny” (“Cənub”) SKB və Şahmat Peşəkarları Assosiasiyası tərəfindən təşkil olunmuşdur. Mükafat fondu 136 min dollar, birinci mükafatın məbləği 40 min dollardır.
Bölmənin digər xəbərləri
