TEYMUR RƏCƏBOV QRAN-PRİ TURNİLƏRİNİN ÜMUMİ HESABINDA LİDERDİR
Bakı, 10 avqust (AZƏRTAC). Azərbaycan şahmatçısı, beynəlxalq qrossmeyster Teymur Rəcəbov FİDE-nin Qran-Pri turnirlərinin ümumi hesabında 1-ci yerə çıxmışdır.
Qran-Pri turnirlərinin 3 mərhələsinin yekununa əsasən T.Rəcəbov 363,33 xalla liderdir. O, ikinci yerdə gedən rusiyalı Aleksandr Qrişuku (363,33 xal) şəxsi əmsallarına görə üstələyir. Sonrakı yerləri 360 xalla Levon Aronyan (Ermənistan), 353,33 xalla Vanq Yu (Çin) və 328,33 xalla Vüqar Həşimov (Azərbaycan) tuturlar.
Bölmənin digər xəbərləri
