“Toyota” 2020-ci ilə qədər 30 minədək “hidrogen avtomobil” satmaq niyyətindədir
Bakı, 15 oktyabr, AZƏRTAC
“Kiodo” informasiya agentliyi xəbər verir ki, Yaponiyanın “Toyota” avtomobil istehsalçısı 2020-ci il Tokio Olimpiadasına qədər dünya ölkələrinə hər il hidrogen yanacaq elementləri ilə işləyən 30 minədək avtomobil satmağı planlaşdırır.
AZƏRTAC RİA Novosti agentliyinə istinadla xəbər verir ki, Yaponiyanın özündə atmosferə zərərli tullantıları buraxmayan 10 mindən çox bu cür maşının satılması nəzərdə tutulur.
Bu modelin sırasında artıq hidrogen elementlərlə işləyən “Mirai” (yaponca “gələcək”) avtomobili var. Bu maşın, məsələn, ABŞ-da təqribən 60 min dollara satılır. 2017-ci ildə amerikalılara ekoloji cəhətdən çox təmiz olan 3000 maşın satmaq planlaşdırılır.
“Toyota” konserni ilə bu cür texnologiyalarla “Honda” da rəqabət aparmağa cəhd edir.
“Hidrogen” avtomobilin hazırlanmasına 20 ildən çox vaxt sərf edilib.
Bölmənin digər xəbərləri
