Tramp Milli Qvardiyanın iki üzvünün güllələnməsini terror aktı adlandırıb
Vaşinqton, 27 noyabr, AZƏRTAC
ABŞ Prezidenti Donald Tramp Ağ Evin yaxınlığındakı metro stansiyasının qarşısında Milli Qvardiyanın iki üzvünün güllələnməsini terror aktı adlandırıb. AZƏRTAC-ın məlumatına görə, hadisə ilə bağlı o, Şükranlıq bayramını qeyd etmək üçün getdiyi Florida ştatındakı iqamətgahından videomüraciət yayıb.
“Bu gecə ən dəqiq məlumata əsaslanaraq bildirə bilərəm ki, Daxili Təhlükəsizlik Departamenti həbsdə olan şübhəlinin Əfqanıstandan ölkəmizə daxil olan əcnəbi olduğuna əmindir. O, 2021-ci ilin sentyabr ayında Bayden administrasiyası tərəfindən hamının danışdığı o biabırçı uçuşlarla gətirilib”,- deyə Tramp bildirib. O, əvvəlki administrasiyanı bütün dünyadan 20 milyon naməlum və yoxlanılmamış əcnəbini ölkəyə buraxdığını bildirib.
“İndi Bayden dövründə Əfqanıstandan ölkəmizə daxil olan hər bir əcnəbini yenidən yoxlamalıyıq və buraya aid olmayan hər hansı bir əcnəbinin ölkədən çıxarılmasını təmin etmək və ya ölkəmizə fayda vermək üçün bütün lazımi tədbirləri görməliyik. Əgər onlar ölkəmizi sevə bilmirlərsə, biz onları istəmirik”,-deyə qeyd edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
