Tramp prezident seçildiyi halda vitse-prezident təyin edəcəyi şəxsin adını açıqlayıb
Vaşinqton,15 iyul, AZƏRTAC
ABŞ-da Respublikaçılar Partiyasının real namizədi Donald Tramp prezident seçiləcəyi halda vitse-prezident təyin edəcəyi şəxsin adını açıqlayıb.
AZƏRTAC-ın “Associated Press”ə istinadən verdiyi məlumata görə, o, vitse-prezidentin Ohayo senatoru Ceyms Devid Vans olacağını bildirib.
Donald Trampın öz seçimini bu gün Miluoki şəhərində başlayan Respublikaçılar Partiyasının Milli Qurultayında rəsmən açıqlaması gözlənilir. Qeyd edək ki, 15-18 iyul tarixlərində keçirilən Milli Qurultayda Respublikaçılar Partiyasının noyabrda keçiriləcək prezident seçkilərində namizədi rəsmi şəkildə elan olunacaq.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
