“Turan Tovuz” klubunun yeni baş məşqçisi müəyyənləşib
Bakı, 18 may, AZƏRTAC
Yeni mövsümdən Azərbaycan Premyer Liqasında çıxış edəcək “Turan Tovuz” futbol klubunun yeni baş məşqçisi müəyyənləşib.
AZƏRTAC xəbər verir ki, komanda “Sumqayıt”ın sabiq çalışdırıcısı Ayxan Abbasova tapşırılıb.
Qırx yaşlı mütəxəssis Tovuz klubu ilə bütün məsələlərdə razılığa gəlib. Onun köməkçilərindən biri əvvəllər də birgə çalışdığı Elnur Çodarov olacaq.
A.Abbasov “Turan Tovuz”un baş məşqçi postunda Əfqan Talıbovu əvəz edəcək.
Xatırladaq ki, A.Abbasovun son klubu “Sumqayıt” olub. O, daha əvvəl “Zirə”yə rəhbərlik edib.
Bölmənin digər xəbərləri
