Turizmə dair yeni dərslik nəşr olunmuşdur
Bakı, 22 sentyabr (AZƏRTAC). Azərbaycan Turizm İnstitutunun (ATİ) turizm işinin təşkili və texnologiyası kafedrası “Ekoloji turizm” adlı dərslik nəşr etdirmişdir.
AZƏRTAC xəbər verir ki, dərslik Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Bakı Sülh Evi” İctimai Birliyinin “Turizm sənayesinin inkişafında maraqlı olan tərəflərin ekoturizm təhsili istiqamətində maarifləndirilməsi” layihəsi çərçivəsində hazırlanmışdır.
Tələbələr, turizm mütəxəssisləri və ümumiyyətlə, bu sahə ilə maraqlanan geniş oxucu kütləsi üçün nəzərdə tutulan kitabda ekoloji turizmin əlamətləri, prinsipləri, növləri, ehtiyatları və problemləri işıqlandırılmış, bəzi ölkələrin təcrübələri araşdırılmışdır. Hər bölmənin sonunda verilmiş suallar və tapşırıqlar bu sahəni öyrənənlərin müstəqil çalışmalarında onlara yardımçı olacaqdır.
Kitabın müəllifləri turizm üzrə mütəxəssislər Ələmdar Əsgərov, Bahadur Bilalov və Çingiz Gülalıyevdir.
Bölmənin digər xəbərləri
