TÜRK DÜNYASI PEDİATRLARININ VI BEYNƏLXALQKONQRESİ BAŞA ÇATMIŞDIR
Müxtəlif ölkələrdən, o cümlədən Türkiyə, ABŞ, Özbəkistan, Almaniya, Qazaxıstan və Qırğızıstandan olan alimlərin, mütəxəssislərin iştirak etdikləri konqresdə “Patoloji-anatomik müayinənin əhəmiyyəti”, “Erkən yaşlı uşaqlarda salmonella infeksiyasında monositlərin sitokimyəvi statusu”,“Tez-tez xəstələnən uşaqların müalicə və reabilitasiyasında immunomodulyatorların tətbiqi”, “Erkən yaşlı uşaqlarda kəskin pnevmoniyanın müalicəsi” və digər mövzularda məruzələr dinlənilmiş, müzakirələr aparılmışdır.
K. Fərəcova adına Elmi Tədqiqat Pediatriya İnstitutunun direktoru, Beynəlxalq Uşaq Mərkəzi Bakı şöbəsinin icraçı direktoru, professor Nəsib Quliyev və digər natiqlər Azərbaycan Prezidenti İlham Əliyevin dəstəyi ilə keçirilən VI konqresin əhəmiyyətini vurğulamış, dövlətimizin başçısına minnətdarlıqlarını bildirmişlər.
Konqresdə 2015-ci ildə dünyada uşaq ölümünün üç dəfə azaldılması üçün qəbul edilmiş proqrama türk dünyası pediatrlarının da yekdilliklə qoşulması ilə bağlı bəyannamə qəbul olunmuşdur.
Bölmənin digər xəbərləri
