Azərbaycandan bu mükafata Xalq şairi Sabir Rüstəmxanlı layiq görülüb

Bakı, 26 sentyabr, AZƏRTAC

Bakıda keçirilən Beynəlxalq Oğuz Türkcəsi konfransı çərçivəsində Türk dünyasının ədəbiyyat (şeir) müsabiqəsinin qaliblərinin mükafatlarıdırılma mərasimi olub.

AZƏRTAC xəbər verir ki, mərasimdə çıxış edən akademik İsa Həbibbəyli Türkiyənin Atatürk Kültür, Dil və Tarix Yüksək Qurumu tərəfindən hər il ədəbiyyatın müxtəlif sahələri üzrə müsabiqənin keçirildiyini söyləyib. Qeyd edib ki, builki müsabiqə şeir üzrə təşkil edilib. Azərbaycandan bu mükafata Xalq şairi Sabir Rüstəmxanlı layiq görülüb.

Sonra şeir müsabiqəsinin qalibləri mükafatlandırılıb.

Mükafata Özbəkistandan Uluğbek Hamdamov, Qazaxıstandan Galım Jaylıbay, Qırğızıstandan Aida Egemberdiyeva və Şimali Kipr Türk Cümhuriyyətindən Oktay Öksüzoğlu layiq görülüb.