TÜRK FİLMLƏRİ FESTİVALI BAŞA ÇATMIŞDIR

25.10.2005 [23:27]
Çap et
A⁺ A^-

AZƏRTAC xəbər verir ki, 2-ci Bakı Türk Filmləri Festivalının sonuncu günü - oktyabrın 25-də “Araz” kinoteatrında qardaş ölkənin kinematoqrafçılarının “Hər kəs öz evində” və “Sərv boylum, al yanaqlım” filmləri göstərilmişdir.

Özden Cankaya və Serpil Kırelin ssenarisi əsasında kinorejissor Sehim Kaplanoğlunun 2000-ci ildə lentə aldığı “Hər kəs öz evində” psixoloji filmində hadisələr daha çox üç nəfərin - qoca Nasihinin, onun qardaşı oğlu Selimin və gəmi kapitanı olan atasını axtarmaq üçun İstanbula gəlmiş rus qızı Olqa ətrafında cərəyan edir.

Əsas rollarda bu Erol Keskin, Tolqa Çevik, Anna Bielska, Özlem Çınar, Şükran Güngör və başqaları çəkilmişlər.

Həmin gün görkəmli qırğız yazıçısı Çingiz Aytmatovun əsərindən istifadə olunmaqla Ali Özgentürkün ssenarisi əsasında kinorejissor Arif Yılmazın çəkdiyi “Sərv boylum, al yanaqlım” filmi də nümayiş etdirilmişdir.

Filmin quruluşçu operatoru Çetin Tunca, musiqi tərtibatçısı Cahit Berkaydır.

Kinosevərlər hər iki filmi maraqla qarşılamışlar.