“TÜRK HAVA YOLLARI”NIN SƏRNİŞİN TƏYYARƏSİ QAÇIRILMIŞDIR
Təyyarədəki 107 sərnişindən 80-i alban, 5-i türk, qalanları digər ölkələrin vətəndaşlarıdır. Onların həyatı üçün heç bir təhlükənin olmadığı xəbər verilir.
Təyyarədən göndərilmiş kömək siqnalını ilk olaraq Yunanıstan radarları almış, qaçırılmış təyyarə Yunanıstan sərhədlərini tərk edənə qədər onu 4 yunan hərbi təyyarəsi müşayiət etmişdir. Sonra təyyarə İtaliyada məcburi olaraq endirilmişdir və terrorçularla danışıqlar aparılır.
Təyyarəni qaçıranlar Roma Papası XVI Benediktin Türkiyəyə səfərdən imtina etməsini tələb edirlər.
Son məlumata görə, Brindisi qubernatoru Mario Tafaro təyyarəni qaçıran iki Türkiyə vətəndaşı ilə danışıqlar apararaq sərnişinlərin azad edilməsinə nail olmuşdur. Terrorçular polisə təslim olmuşlar. Türkiyənin rabitə və nəqliyyat naziri Binəli Yıldırım onların İtaliyadan siyasi sığınacaq istədiklərini bildirmişdir.
Vatikanın mətbuat xidmətinin başçısı Federiko Lombardi hadisə ilə bağlı daha müfəssəl məlumatlar gözlədiklərini söyləmişdir.
Bölmənin digər xəbərləri
