TÜRKİYƏ BTC BORU KƏMƏRİNDƏN 100 MİLYON DOLLAR GƏLİR GÖTÜRMÜŞDÜR
AZƏRTAC-ın xüsusi müxbiri xəbər verir ki, Bakı-Tbilisi-Ceyhan əsas ixrac boru kəmərinin Türkiyədə operatoru olan “Botaş İnternational Limited” şirkətinin baş direktoru Müvəffəq Çağ jurnalistlərə müsahibəsində iyunun 4-dən başlayaraq BTC kəməri ilə nəql olunan neftin Heydər Əliyev adına Ceyhan terminalında tankerlərə yüklənməsi əməliyyatlarının davam etdiyini və Türkiyənin indiyədək əldə etdiyi gəlirin 100 milyon dollara çatdığınnı bildirmişdir.
Terminalda bütün işlərin problemsiz və yüksək səviyyədə aparıldığını xatırladan Müvəffəq Çağ, 25 milyon barrel xam neftin 36 tanker vasitəsilə İtaliya, ABŞ, Hindistan, İsrail və İspaniyaya yola salındığını söyləmişdir. Onun sözlərinə görə, həmin 25 milyon barrel neftdən Türkiyənin payına 1 milyon 658 min barrel düşmüşdür.
Bölmənin digər xəbərləri
